تلافتت كل العيون الا عيون الحاسدين


تلافتت كل العيون الا عيون الحاسدين
المنتبة منهم مسوي نفسه انه ما انتبه

مدري ورا الفاشل يقلل من ناجح الاخرين
يحارب الناجح تقول الناجح اخذ منصبه

هو لو يعرف اعن الضغوط اللي تمر الناجحين
يمكن فشله يصير وسط عيونه اكبر موهبة

ماهوب شرط انك تحصل معجبات ومعجبين
اهم شي يحصل الانسان شيٍ يعجبه

الحمد لله زانت الرحلة لو ابطت لا تزين
اشوفها اجمل تجربة مع انها اقسى تجربة

ملاحق الاحلام يحتاجله عزمٍ ما يلين
اليا اعترضه الصعب حط الصعب للمجد عتبة

من خلقة الدنيا ما يرقا للعلا الا الواثقين
وتهاب ترقا للعلا الشخصية المتذبذبة

الطيب وزعة والبشر في حزة الشدة تبين
والرجل لا مات الوفا في داخله مات اغلبه

خلك من اللي في مواقيفه يطيح من اليدين
يمكن يموت من الضعافة لو تجيه بمكتبه

تلقا بداله فالرجال ابيض وجه واطول يمين
حرن تقول ان النخاوي تلذعه بالكهربة

يا بين وسم الذل فـ وجيه الرخوم الصاغرين
مضربه يشبه مضرب الارضة على حيد خشبة

ماهوب وجه الابلج اللي يا عسى ايامه سنين
جزل الشعر يرفع له البيضا على روس قببه

من الطناخة كن فالفزعات نسبة كافيين
يخرم لامنه ما لقا فنجال فزعة يشربه

من جود يمناه السخية يحسب ان الربح دين
وانه هو المطلوب وان الخلق كله يطلبه

هو سيفنا اللي قدمه تروح السيوف اغصان تين
وبعيرنا اللي ينسف ثقال الحمول بمنكبه

من صيته الرنان ما يجهل به الا الجاهلين
واللي يعيش بكوكبٍ ثاني ماهو في كوكبه

يا كثر ما سوى جمايل في رقاب المسلمين
الله يجزاه بجنان الخلد عن كل رقبة

ماني بقايل ليت مثلك يا ذخر جدي ثنين
وانت المكمل في مواجيبك يا راع الموجبة

ان قلت لك يالقوس ولا والنعم لا فرق بين
يالقوس ولا والنعم مير اكتب اللي تكتبه

من ابسط حقوقك يا سلمان الفخر في كل حين
تراك نسل الزحّل اللي مال سيرتهم شبة

ابوك شيخن سطر الامجاد قبل الاربعين
ساق المراجل لين علقها على اعلى مرتبة

بدر زبون المدركين ونصرة المستضعين
جمل بني عمه وجدانك جنَب كل جنبة

يوم المعارك فالجزيرة دون مجرعة الحنين
اطلق شنب من قو سطوتهم يحلقون شنبه

الاد مرشد فزعة البل مطلقة قيد السجين
نارن تشب بسترة الظلما وقوة مرعبة

ربعي مقابيس الوغا ربعي كعام المعتدين
وقت اللقا تحدى حداويها تقول بملعبة

كم فارسن من من زودها تبراه بالرمح السنين
وتخيره بينه وبين حصانه اللي يركبه

وفالمحفل اللي من وفاهم شرفوه الطيبين
يا مرحبا من مشرق الكون الفسيح لمغربه

يا مرحبا باللي حضر بعداد همال الغشين
على الشحم والدلة الشقرا وعود المطيبة





كلمات :
عبدالرحمن القوس





اداء :
خالد ال بريك





تنفيذ :
اهتمام الدوسري



..

من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد

تصميم : اهتمام الدوسري
______________________

للتواصل والاستفسارات :
الحسابات الرسمية لـ قناة اهتمام الدوسري .

‏SNAPCHAT : P.5BF


‏Whatsapp : ‭050 608 9787‬









#تلافتت_كل_العيون
#الاعيون_الحاسدين
#خالد_ال_بريك