Ahmad Faraz Sahab ka kalam "Ye kia K Sub Se Bayan Dil Ki Halatein Krni"
Recital Ahsan Shakeel

Ye Kya Ki Sab Se Bayan Dil Ki Haalaten Karni
Faraz Tujh Ko Na Aain Mohabbaten Karni

Ye Qurb Kya Hai Ki Tu Samne Hai Aur Hamein
Shumar Abhi Se Judai Ki Saaten Karni

Koi Khuda Ho Ki Patthar Jise Bhi Hum Chahen
Tamam Umr Usi Ki Ibaadaten Karni

Sab Apne Apne Qarine Se Muntazir Us Ke
Kisi Ko Shukr Kisi Ko Shikayaten Karni

Hum Apne Dil Se Hi Majbur Aur Logon Ko
Zara Si Baat Pe Barpa Qayamaten Karni

Milen Jab Un Se To Mubham Si Guftugu Karna
Phir Apne Aap Se Sau Sau Wazahaten Karni

Ye Log Kaise Magar Dushmani Nibahte Hain
Hamein To Ras Na Aain Mohabbaten Karni

Kabhi Faraz Nae Mausamon Mein Ro Dena
Kabhi Talash Purani Rifaqaten Karni

Facebook :   / kitabemaazi  
Instagram :   / kitabemaazi  
Twitter :   / kitabemaazi  

For Business inquiry or Fan Mail
Call or WhatsApp: +260975146772

Disclaimer under section 107 of the Copyright Act of 1976,