Mae un o artistiaid llyfrau enwocaf Cymru wedi rhoi gwaith ei bywyd i Brifysgol Caerdydd.

Mae casgliad Shirley Jones, sylfaenydd The Red Hen Press, bellach yng Nghasgliadau Arbennig ac Archifau'r sefydliad ac mae’n agored i bawb. Y rhodd hon, sy’n cynnwys 28 o lyfrau a wnaed rhwng 1975 a 2016, yw’r un fwyaf a gyflwynwyd i’r Brifysgol gan artist benywaidd o Gymru sy’n fyw, a hwn yw’r unig gasgliad cyflawn o’i gwaith.